Dy deputetë të JSL i bashkohen qeverisë së Thaçit

[D3M1]

Dy nga katër deputetët e Listës Unike Serbe (JSL), të cilës i prinë Rada Trajkovic, përkundër marrëveshjes brenda koalicionit kanë marrë vendim që të përkrahin formimin e qeverisë së Kosovës në krye me PDK-në e Hashim Thaçit, ka deklaruar Rada Trajkovic, duke theksuar se ajo do të qëndrojë në opozitë, raporton agjencia Beta.
Thaçi, sipas Trajkovicit, në përpjekje për postin e kryeministrit “drejtpërdrejt është përzier” në marrëdhëniet e JSL dhe në mënyrë të dyshimtë ka siguruar përkrahjen në luftën për kryeministër.

“Me korrupsion apo me metoda të tjera për mua të panjohura, ka arritur që të fitojë dy deputetë tanë”, ka thënë Trajkovic.

Sipas saj, ajo dhe Sreten Jovanovic do t’u mbesin konsekuent parimeve për mos qenë pjesë e qeverisë së të Kosovës. /Telegrafi/