Natali Portman: ‘Të fitosh çmimin ‘Oskar’ është çmenduri’

nga **Gonna** prej Tue Mar 01, 2011 9:03 am

“Falënderoj akademinë. Kjo është një çmenduri. Jam shumë mirënjohëse që kam rastin ta bëj këtë punë. Më pëlqen shumë aktrimi”, ka reaguar Natali Portman . Edhe pse është shumë e gëzuar me fitimin e çmimin, ajo ka deklaruar se të nominuarat e tjera në kategorinë e saj e kanë merituar më shumë këtë çmim. “Kam shpresuar që çmimin ta fitojë ndonjëra nga të nominuarat e tjera. Kam shumë admirim për ju”, u tha ajo Anete Beningut (The Kids Are All Right), Nikol Kidmanit (Rabbit Hole), Xhenifer Lorensit “Winter’s Bone) dhe Mishel Uilliamsit (Blue Valentine). Natali ka qenë favorite në garën për aktoren më të mirë. Më parë për rolin e saj ajo ka fituar një Glob të Artë dhe një çmim “BAFTA”.