Biznesmeni i nervozuar mori punëtorë për t’ia shkatërruar Lamborghinin (Video)

[D3M1]

Çfarë do të bënit sikur mekanikët të ju thonë se nuk mund ta rregullojnë makinën tuaj? Me siguri jo atë që bëri një biznesmen kinez. Ai vendosi t’i angazhojë disa punëtorë që me çekiçë gjigand t’ia bëjnë copa-copa Lamborghinin luksoz me vlerë prej 500.000 euro në Kinë.
Mediat kineze shkruajnë se pronari zbuloi problemet me motorin e Gallardit të tij menjëherë pasi e kishte blerë në tetor të vitit të kaluar. E dërgoi makinën tek përfaqësuesi i licencuar për ta rregulluar, megjithatë defekti nuk u ndreq dhe për më keq mekanikët ia dëmtuan edhe shasinë dhe anësoret.

Pas grindjes me punëtorët në auto-servis dhe përfaqësuesit e Lamborghinit ky kinez vendosi për një hap më ekstrem. Në ditën botërore për mbrojtjen e të drejtave të konsumatorit ai pagoi mirë disa punëtorë krahu dhe vetëm i shikoi derisa ata e shkatërronin makinën e shtrenjtë. /Telegrafi/