Qeni me dhëmbë titaniumi

[Nora]

Një qen nga Australia ka marrë dhëmbë të rinj nga titaniumi pasi që humbi të vetët.
Qeni Axel nga Melbourne, i cili i ndihmon rojeve në ruajtjen e rendit në burg, humbi dhëmbët e tij, por veterinari David Clarke mendoi një zgjidhje dhe qenit i bërë dhëmbë të rinj nga titaniumi.
“Shumë kohë, durim dhe para janë shpenzuar në trajnimin e këtyre qenve. Më lirë është të rregullohet problemi dentar sesa të zëvendësohet qeni me tjetër. Qentë policorë shpesh lëndohen gjatë kryerjes së detyrave që bëjnë”, ka thënë Clarke.
Dhëmbët e rinj të Axelit janë rezultat i aksidentit, por disa pronarë përdorin gjithashtu shërbimet e veterinarëve, të cilët merren me dhëmbët e kafshëve, që dhëmbët e kafshëve të tyre të jenë të shëndetshëm, të bardhë dhe të vërtetë.