NATO zgjat edhe për tre muaj misionin në Libi

nga **D3M1** prej Thu Jun 02, 2011 6:38 am

NATO ka zgjatur për 90 ditë misionin në Libi, tha të martën sekretari i përgjithshëm i Aleancës Veriatlantike, Anders Fogh Rasmussen.
“Ky vendim i dërgon një mesazh të qartë regjimit të Moammer Gadhafit. Ne jemi të vendosur për të vazhduar operacionin tonë në mbrojtjen e popullit libian. Ne do t’i vazhdojmë përpjekjet për të përmbushur mandatin e Kombeve të Bashkuara”, tha Rasmussen.

Aleanca 28-anëtarëshe mori kontrollin e ofensivës në Libi më 31 mars, nga koalicioni i udhëhequr nga Franca, Britania dhe Shtetet e Bashkuara. Konflikti ndërmjet forcave besnike të diktatorit Gadhafi dhe kryengritësve rebelë, po vazhdon ende, me gjithë sulmet ajrore kundër caqeve të qeverisë.