Proteina stimuluese e kancerit JAK, arma për eleminimin e tij

nga **D3M1** prej Tue Aug 16, 2011 9:34 am

Një hap i madh është hedhur përpara në shkencë sa i përket neutralizimit të kancerit. Pas një sërë eksperimentesh, shkencëtarët e Qëndrës Kërkimore të Kancerit në Britani kanë zbuluar proteinën që ndihmon përhapjen e tumorit.

Bëhet fjalë për një proteinë të quajtur JAK, e cila ndihmon qelizat kancerogjene që të përhapen në trup. Kjo lloj proteine i fuqizon këto qeliza njësoj si muskujt dhe mundëson përhapjen e tumorit, proces ky që në gjuhën mjeksore njihet si “metastazë”.

Në 90 % të rasteve, nëse procesi i metastazës ka ndodhur, kjo do të thotë vdekje e sigurt. Nëse shkencëtarët arrijnë që përmes neutrlizimit të kësaj proteine, të frenojnë përhapjen e kancerit, kjo do të ishte arritja më e madhe e këtij shekulli.