Manjola, këngë për 100-vjetorin e pavarësisë

[D3M1]

Këngëtarja shqiptare, Manjola Nallbani, ka vendosur t’i kushtojë
këngë vendit të saj, me rastin e 100-vjetorit të pavarësisë së
Shqipërisë. Të shumtë janë këngëtarët të cilët publikojnë
këngë në rast të eventeve të ndryshme, ndërsa tani këngëtarja e shumë
hiteve patriotike, Manjola Nallbani, ka vendosur t’i kushtojë këngë të
veçantë kombit shqiptar.

“Të bëja një këngë për Shqipërinë ka qenë një dëshirë e imja e
hershme, por që ndoshta rastësisht apo simbolikisht u realizua tani. Jam
shumë mireëjohëse për këtë krijim të tre artisteve të shkelqyer
shqiptarë: kompozitorit Prof. Zef Coba, poetit Gjoke Beci dhe
kompozitorit Adrian Hila, për orkestracionin e këngës”.

“Gjithsesi, është normale që në këtë jubile, të ketë krijimtari të re
kushtuar Shqipërisë apo 100-vjetorit të pavaresisë dhe e rendesishme
është që nga të gjitha këto krijime, në mos të gjitha, disa do të jenë
me vlera për t’iu shtuar fondit të muzikës shqiptare”, është shprehur
Manjola.