Stavridis falënderon për mikpritjen

[Lordi]

Komandanti Suprem i Aleancës Veri-Atlantike për Evropë, James Stavridis, ka falënderuar kosovarët për mikpritjen e ngrohtë që i është bërë gjatë vizitës në Kosovë, javën e kaluar, më 29 korrik.
Në letrën të cilën për media e ka shpërndarë Ambasada Amerikane në Prishtinë, Stavridis ka shprehur kënaqësinë që gjatë vizitës së tij të parë “në tokën tuaj”, si Komandant Suprem i Aleancës për Evropë, ka parë përparimin e madh që është bërë në Kosovë gjatë dhjetëvjetëshit të kaluar.

“Për mua është jashtëzakonisht e qartë që njerëzit e Kosovës mburren me të kaluarën e tyre energjike dhe kontributin e rëndësishëm që i dhanë historisë së pasur të Ballkanit. Më la përshtypje të thellë entuziazmi, përzemërsia dhe sinqeriteti i çdonjërit që takova”.

Admirali i Forcave Detare të Shteteve të Bashkuara pres që Kosova të ketë një të ardhme të stabilitetit të vazhdueshëm dhe të bazuar në mirëkuptim dhe pranim - një e ardhme e lirisë, paqes dhe prosperitetit. /Express/