Sejdiu dekretoi ambasadorët në Zelandën e Re dhe në Kroaci

[**GrAnD**]

Presidenti i Republikës së Kosovës, Fatmir Sejdiu, në pajtim me Kushtetutën e Republikës së Kosovës dhe në pajtim me Dekretin Presidencial për themelimin e Misionit Diplomatik në nivel ambasade në Zelandën e Re, si dhe pas marrjes së pajtimit të shtetit pranues për emërim të ambasadorit jorezident, ka dekretuar të hënën Muhamet Hamitin ambasador të jashtëzakonshëm dhe fuqiplotë të Republikës së Kosovës në Zelandën e Re, rezident në Londër.

Po ashtu, presidenti Sejdiu ka emëruar Valdet Sadikun ambasador të Republikës së Kosovës në Republikën e Kroacisë me seli në Zagreb. /Telegrafi/